Eyeshadow primer home made

مثـبت الاي شـدو الي ينـافس اربـن ديـكاي

انا ولا مره جربت مثببت الاي شدو وماحسيت اني بحاجته وقريت وايد عن اربن ديكاي
وكل الميك اب ارتست الي اتعلم منهم في يوتيوب يستعملونه بس هم مافكرت اجربه
وامس وانا ادور فليوتيوب جان اطيح على وحده حاطه طريقه تسوينه بروحج بلبيت
ومقارنته مع اربن ديكاي وتعججججبت من النتييجه
وقمت وسويته وجربته وقلت صصصصج ويني عنه من ززمان
ثبااااااااات روووعه ويطلع لج لون الاي شدو بااارررز ومثل ما اهو بلباليت ويمكن احلا
ومايكلللفج اي شي لان اغلب الاشيا انشالله موجوده عندكم
الأدوات : 
ملاحظه : ماله داعي تشترون مثل الاشيا الي عندي و استعملو الاشيا المتوفره عندكم 
كفايه الي نشووفه فلمنتدى ونشتريه ويطيح بجبودنا .  

1- كريم الجسم الثقيل ويفضل تستعملين زبدة الجسم بس اذا ماكانت متوفره فعادي استعملي الكريم بس اهم شي مايكون معطر ومايكون فيه كحول . 

2-مرطب للوجه

3-علبه صغيره تعبين فيها المثبت , انا استعملت علبة كريم العيون , وترى فلصوره العلبه مو فاظيه لاني مسويه المثبت من امس ومخلصه .

4-فاونديشن سائل.

5-بودره حره.

الطريقه:

تحطين اول شي الكريم بكميه صغيره يعني ضغطة وحده , بعدين تحطين المرطب بنفس كميه كريم الجسم 

وتخلطينهم مع بعض عشان يندمجون, بعدين تحطين عليهم ثلاث نقط من الفاونديشن بس بكميه بسيطه وتخلطين بعدين تحطين كميه بسيطه من البودره الحره وتخلطين كل شي لين يصير متجانس , وجي تكونين خلصتي . 

في اسهل من جذي ؟ ما اتوووقع 

هاذا شكل المثبت بعد ماخلصنا 

  

وهنا شووفو النتيجه على يدي , استعملت لون ازرق عشان يبين ف التصوير.

 

الي على اليمين من غير مثبت , تشوفون شلون اللون باهت ويحتاج تعيدين عليه كذا مره والي على اليسار واضح وبارز ونفس اللون ب البالبيت وللاسف نسيت اصور لكم اللون من الباليت بس نفسه ب ضبط .
والبنت قالت انه اربن ديكاي يتم معاكي 8 ساعات والي انا سويته فلبيت تم معاي نفس المده ماشالله
الي تسعتمله الفرق الوحيد بلسعر   

(منتدى كويتيات)